فریاد رواندوزی ئهندامی لیژنهی ئاسایش و بهرگری له پهرلهمانی عیراق گومانی خۆی دهربڕی سهبارهت به توانای هێزه عیراقییهكان بۆ وهرگرتنهوهی دۆسێی ئهمنی له پارێزگاكانی موسڵ و دیاله دوای كشانهوهی هێزهكانی ئهمریكا له شارهكاندا له كۆتایی ئهم مانگهدا.
رواندوزی له لێدوانێكی رۆژنامهوانیدا جهختی لهوهكردهوه كه وهزیرانی ناوخۆ و بهرگری و ئاسایشی نیشتمانی ئامادهیی هێزه ئهمنییهكانیان دهربڕیوه بۆ پاراستنی ئهمن و ئاسایشی شارهكان دوای كشانهوهی هێزهكانی ئهمریكا له كۆتایی ئهم مانگهدا.
ئهوهشی خستهڕوو كه وتووێژهكانی نێوان بهرپرسانی دهوڵهت و بهرپرسانی ئهو 3 وهزارهته روون و شهفافانه بوون و گهیشتنه ئهو ئهنجامهی كه له ماوهی داهاتوودا هێزه عیراقییهكان دهتوانن بهرپرسیارێتی ئهمنی وهربگرن.
